كيف تجد هاتقك المسروق بطريقة ذكية جدا وبسيطة

بش تحمي تليفونك كيف يتسرق ولا يضيع لازمك اول شي لازمك ديما كيف تخرج من الدار ولا تولي عارف روحك في منطقة خطر تكون حال فيه الانترنت تخدم وال localisation، خاطر اذوما اهم زوز حاجات بش يوصلوك للتليفون مبعد، ثاني شي لازمك تكون حافظ ال gmail متعك و المودباس الي عملت بيهم التليفون، خاطر بيه هو بش تتبع التليفون وتسيطر عليه من بعيد، وثالث حاجة لازم تكون عندك application اسمها intruder selfie وهذي مهمتها انها تعمل سيلفي بالكاميرا القدامية كيف اي واحد يعمل shéma غالط بالتليفون متعك بعد مايسرقو..

اول مايتسرق التليفون، تحل google بتليفون اخر ولا ب pc تكتب  find my phone هذي ابسيون عملتها غوغل بش تسهل علينا استرجاع تليفوناتنا المسروقة. تكتب gmail ومودباس متعك الي عاملهم في تليفونك المسروق ومنها تنجم تعرف تليفونك وين مدامك حال فيه اللانترنت وال localisation، تنجم تخليه ينوقز كانو قريب والا في نفس البقعة الي انت فيها ( كار مثلا ولا كلاس.. ) ينوقز حتى لو هو محطوط silencieux تنجم تبعث مساج يراه اي واحد يحل تليفون تقلو مثلا هاو نومرو اطلبني كان لقيت تليفوني ضايع، تنجم تحط code جديد للتليفون يعطل السارق بش يحلو، وتنجم زادا تتفقد ال galery متعك وغادي تنجم تلقا السلفيات الي عملتهم intruder selfie لوجه السارق كانو خمم يحل  ال shema وحدو وهكاك تنجم تشكي بيه وهذي هي اهمية ال  application هذي، تنجم زادا تفسخ تصاورك و فيديواتك وتسكر حساباتك لكل المحلولة في تليفون كيما انستاغرام وفايسبوك بش مايدخلش لبياناتك الشخصية..

هذي معلومات بسيطة تنجم تعاونكم بش ترجعو تليفوناتكم وتنجم تحميكم خاطر تمشي للمركز مايفيدوك بشي اذا كان ما عندك حتى بيانات على الي سرقك ، لازم ناس كل تاخذ احتياطاتها والي مافهمش يسأل صحابو يفهموه والي اول مرة يعرف المعلومات هذي ينشرها بش ناس كيفو يعرفو..