كان هناك طالبه انتهت من الثانويه العامه كانت تعيش في الشرقيه وكانت تريد أن تحصل على شهادة عليا وتكمل دراستها بجامعه، فانتقلت الي محافظة القاهره، والتحقت بجامعه القاهرة وكانت تريد سكن لها قعدت تدور على سكن بس أهلها مرضيوش يخلوها تسكن في سكن بره أجبروها انها تسكن في سكن الجامعه،علشان طبعا خايفين عليها.
وسكنت فرح لوحدها في غرفه كان جوها حمام ومطبخ ويوجد سرير وتلفاز..
عجبتها الغرفه بالنسبه انها سكن جامعه الي حد ما حلوه
...
فضلت الأمور زي الفل ومفيش حاجه حصلت مع فرح وكانت مجتهده في الجامعه واحبوها وابتدت تكون علاقات و أصحاب من الجامعه
يعني عايشه مبسوطه ومرتاحه في جامعه
....
لحد ما زرتها احد بنات الي غرفتها
وابتدي يفتحوا مع بعض حديث عن جن
وقالت لها صديقتها منه انها تعرف كيفيه تحضير جن، فرح مكنش عندها مانع في موضوع عشان مش مصدقه اصلا بوجود تخاريف دي
فأخذت صديقتها منه ورقه وقلم ورسمت على الشمال شمس وكلمه نعم وعلى اليمين قمر وكلمه لاء
والحرف الأبجدية العربيه في الوسط من الورقه
أ ب ت ث ج ح خ د ذ ر ز س ش ص ض ط ظ ع غ ف ق ك ل م ن ه و ي
والأرقام من الصفر الي التسعه
0 1 2 3 4 5 6 7 8 9
في اسفلها
ثم اخذت تضئ شمعتين علي جانب الورقة واغلقت جميع الستائر بالغرفة والمصابيح
وجابت كأس وقلبته وحطته على الورقة لعد توافر مؤشر
وبعدين ابتدت تقول كلمات غريبه بالنسبه لفرح لم تفهمها ابتدي علي وجها علامات استغراب
والكلمات كانت
(او ويجا اويحا اويجا اويجا اي سونتي اي ريوثير انشير ماي باي)
في البدايه كانت فرح هادئه منظره اللي هيحصل
ولكن لم يكن الانتظار كثيرا
كانت فرح فاكره ان منه بتعمل فيها مقلب عشان تخاف
ولكن تحرك الكاس ان ويجا لا تستطيع اللعب الان
وهدوء تمام بينهم
ودق باب الغرفة قامت فرح فتحت الباب، دخلت صاحبتهم التالته عبير، معاهم في الجامعة، لكن عبير لما دخلت ولقيتهم بيعملوا كده طلبت منهم انهم يوقفوا اللي بيعملوه ده فورا، ويخرجوا معاها يتفسحوا شويه
...
وطلبت من منه انها تخرج، قبل متخرج منه طلبت من فرح انها تحرق الورقه اللي هي اللعبه وأعاده ويجا الي مسكنها، ولكن فرح لم تنتبه الي كلام منه وقلتلها دي تخاريف وانا مش مصدقاكي اصلا، ولكن منه حظرتها ثانيا من العواقب والاخطار اللي هتحصلها
...
بعد مارجعت فرح من الفسحه اللي كانوا فيها وهي مبسوطه اخذت الورقه اللعبة ورمتها في زباله ولم تحرقها
وأخذت كأس رجعته مكانه وعدلته
بعد متخلصت فرح من اللعبه ذهبت إلى السرير عشان تنام
ومجرد انها نامت ع السرير حست بحاجه بتلعب في مطبخ بتاعها، قامت بسرعة من ع سرير دخلت المطبخ مع دقات قلب متسارعه ولكن لم تجد شئ في المطبخ ازدادت ضربات القلب عند فرح ورجعت فرح تاني للسرير ونامت عليه، واول منامت علي سرير، سمعت صوت في مطبخ تاني، ولكنها حست بنفسها المرادي اللي هي هتلاقيه حاجه خافت وقرأت المعوذتين ودخلت الي مطبخ مع دقات قلب سريعه وعرق كثير على وجهها
دخلت المطبخ ولكن لم تري شئ
.....
فرح خافت اكتر وكانت اول مره تخاف كده جريت على سريرها وقررت انها مش هتقوم تاني من ع سرير، عدي ثواني قليله وبدأ نور الغرفه ينور ويطفي بشكل جنوني ومخيف
قرأت قرآن في سرها وقعدت تقول:
بس الله الرحمن الرحيم
أعوذ بالله من الشيطان الرجيم
أعوذ بالله من الشيطان الرجيم
.......
في صباح اليوم التاني قابلت فرح مني بغضب شديد وخوف في نفس الوقت حكتلها اللي حصل كله
منه :مش انا حظرتك وقولتلك تعملي ايه بالظبط
محرقتيهاش ليه
فرح :انا مبصدقش في كلام ده انا مؤمنه بربنا كويس ومش هشاركه بالكلام التافهه ده.
منه: طب خايفه ليه بقا روحي انتي بقا شوفي هتعملي ايه مع ويجا الروح اللي حضرناها وانتي غضبتيها
فرح :طب ساعدني اعملي ايه؟
منه:مفيش غير اننا نلعب اللعبه تاني ونتصل بيها ونشوف هي عايزه ايه
فرح :انتي بتقولي ايه لاء طبعا
منه :طيب براحتك خليكي في اللي انتي فيه
فرح :خ... خلاص خلاص ا.. نا موافقه
منه :هقابلك انهارده الساعه تمانيه بليل في غرفتك....
.......
جاهزه يافرح نبدأ نخلص من الروح دي
قالت هذه الجمله منه في تمام الساعة الثامنة ونصف، بعد ان حضروا اللعبه ثانيتا بالطريقه التالية :
منه طلبت حبل من فرح وربطته ١١ عقده ولفوه
حوليهم وعند كل عقده جابو شمعه ولعوها
ومنه طلبت من فرح تجيب ورقة اللي رمتها في زباله.....
....
وجابت كأس وقلبته وحطته على الورقة لعد توافر مؤشر
وبعدين ابتدت تقول كلمات غريبه بالنسبه لفرح لم تفهمها ابتدي علي وجها علامات استغراب
والكلمات كانت
(او ويجا اويحا اويجا اويجا اي سونتي اي ريوثير انشير ماي باي)
....
عادوا نفس اللي عملوه تاني بس مرادي رد فعل اللعبه كان مختلف تماما
.....
في الأول مكنش في اي حاجه خالص
طلبت منه من فرح انها تسالها الأول اي سؤال
فرح :عيد ميلادي امتى؟
مرت ثواني مرعبه بين فرح ومنه ونظرات مخيفه بينهم منتظرين رد اللعبه
وفجأه لقوا الكأس بيتحرك وهما ماسكينوا كان في كيان تاني هو اللي بيحركه مش هما اللي متحكمين في الكاس
وابتدي الكأس يتحرك ببطئ شديد علي الحروف وبعدين نزل ع الأرقام لحد ماوصل علي رقم ١
ليست هناك تعليقات:
إرسال تعليق